خوش آمدیدی پیغام
ہانگ کانگ ایک بین الاقوامی مالیاتی، مواصلاتی اور تجارتی مرکز ہونے کے ساتھ ساتھ ایک بین الاقوامی آف شور رینمنبی (Renminbi) کاروباری ہَب اور اثاثہ جات کا انتظامی مرکز ہے۔ ہم مالیاتی خدمات، کاروبار اور تجارت، نقل و حمل اور پیشہ ورانہ خدمات کے شعبہ میں عالمی سطح پر انتہائی مسابقانہ شہرت رکھتے ہیں۔ ہمارا شفاف اور کھلا تجارتی ماحول، انتہائی مستعد مارکیٹ اور قانون کی بالادستی ہانگ کانگ میں متحرک اور طاقت ور کاروباری شعبہ کے لیے ایک کلیدی طاقت کے طور پر موجود رہی ہے۔ ہم سمندر پار اور مین لینڈ سے کمپنیوں اور سرمایہ کاروں کو ہانگ کانگ میں کاروباری غرض سے آنے کے لیے متوجہ کرتے رہے ہیں۔
ہانگ کانگ ایک چھوٹی اور منصفانہ معیشت ہے جسے دنیا بھر سے مسابقت کا سامنا ہے۔ ہمیں "ایک مُلک، دو نِظام" کے منفرد فوائد اور اِس کے ساتھ ساتھ قدرتی صلاحیتوں کے حامل اپنے لوگ جو عالمی وژن رکھتے ہیں، سے پُورا فائدہ اٹھانا چاہیئے تاکہ ہماری قوم کی ترقی کی وجہ سے پیدا ہونے والے بڑے مواقعوں سے مستفید ہوا جاسکے اور ہانگ کانگ کے لیے مزید اقتصادی ترقی حاصل کی جاسکے۔
بطور فنانشل سیکریٹری، میں ہانگ کانگ کے موزوں کاروباری ماحول کو برقرار رکھنے کی کوشش کروں گا، تاکہ اپنی بنیادی صنعتوں کے فوائد کو مضبوط کیا جا سکے اور اس کے ساتھ ساتھ نئی مارکیٹوں کے قیام اور نئی صنعتوں کو پروان چڑھا کر ہانگ کانگ کی معیشت کو متنوع بنایا جائے تاکہ معاشرے کے مختلف طبقات سے تعلق رکھنے والے لوگ اقتصادی ترقی کے فوائد آپس میں بانٹ سکیں اور نوجوانوں کے لیے معیاری ملازمتوں کے زیادہ انتخاب موجود ہوں۔
میں مالیاتی توازن حاصل کرنے، مختلف حکومتی منصوبہ جات متعارف کرانے کے لیے عوامی مسائل کو مصالحانہ طور پر تفویض کرنے ، اور اُن عوامی خدمات کی فراہمی کی کوشش کروں گا جو کمیونٹی کی ضروریات کے مطابق ہوں اور ہانگ کانگ کی سماجی و اقتصادی ترقی کو فروغ دیں۔ زمین کی فراہمی کے حوالے سے میں متعلقہ محکمہ جات کی رہنمائی کروں گا تاکہ وہ مِل کر کام کرتے ہوئے ہانگ کانگ کو کافی زمینی وسائل فراہم کریں تاکہ اقتصادی ترقی، رہائش اور اس کے ساتھ ساتھ لوگوں کے ذریعہ معاش میں بہتری لائی جاسکے۔
آپ کو خوش آمدید کہا جاتا ہے کہ بذریعہ ای میل یا کسی دوسرے ذریعہ سے میرے کام کے بارے میں مختصراً اپنی رائے اور خیالات سے آگاہ کریں۔ آپ کا شکریہ!
CHAN Mo-po, Paul
فنانشل سیکریٹری
